Preghiera a Sant'Onofrio "U Pilusu"

 

Preghiera della sera

 Io mi cuccu 'nta stu lettu 

cu Maria 'nta lu me pettu

Io dommu e idda vigghia 

Si c'è cosa ma risbigghia

Cu Gesù mi cuccu 

Cu Gesù mi staiu

Stannu cu Gesù paura non aiu

Io mi cuccu alla bon'ura

Matri Santa, Matri Pura

Mi cummogghiu cu to mantu

In nomi du Patri, du Fgghiu

e du Spiritu Santu

Matri mia

 Matri mia chi siti bedda

Matri mia chi siti cara

Si lu 'nfernu mi martedda

U to mantu m'arripara 

Suttu u mantu di Maria 

Sta sicura l'amma mia

A Matri Mmaculta

 

Chistu è lu misi di la Virginedda
Tutta pura e tutta bedda e cunsacrata
Bedda Matri Maculata
Lu me cori e l'amma mia li cunsignu a vui Maria
Tu si Matri e m'ha guardari
Sugnu figghiu e t'haiu amari

I festi i natali

 Li festi di Natali 🎅🌲

A li   4  Barbaredda

A li   6  Niculedda

All’   8  Maria

A li 13   Lucia

A li 21   Tummasu

A li 25   Nascita Santi

A li 26   Stefunu

A li 28   Santi Innocenti

A li 31   San Silvestro papa

Finisci lu misi e trasi l’annata.

A li  6  la  Pifania

Tutti li festi potta via.

Arrispunni la Cannilora:

“Ci sugnu io ancora!”.

I festi i dicembri

 Li festi di Natali

A li quattru Barbaredda

A li sei Niculedda

All’ottu Maria

A li tridici Lucia

A li vintunu San Tummasu

A li vinticincu Nascita Santa

A li vintotto Stragi Innocenti

A li trentunu San Silvestro papa

Finisci lu misi e trasi l’annata.

A li sei la Pifania

Tutti li festi manna via.

Arrispunni la Cannilora:

“Ci sugnu io ancora!”.

Cannilora

 Cannilora, cannilora di l'invennu semu fora, ma si cchiovi o tira ventu di l'invennu semu dentru