Io mi cuccu 'nta stu lettu
cu Maria 'nta lu me pettu
Io dommu e idda vigghia
Si c'è cosa ma risbigghia
Cu Gesù mi cuccu
Cu Gesù mi staiu
Stannu cu Gesù paura non aiu
Io mi cuccu alla bon'ura
Matri Santa, Matri Pura
Mi cummogghiu cu to mantu
In nomi du Patri, du Fgghiu
e du Spiritu Santu
Matri mia chi siti bedda
Matri mia chi siti cara
Si lu 'nfernu mi martedda
U to mantu m'arripara
Suttu u mantu di Maria
Sta sicura l'amma mia
Chistu è lu misi di la Virginedda
Tutta pura e tutta bedda e cunsacrata
Bedda Matri Maculata
Lu me cori e l'amma mia li cunsignu a vui Maria
Tu si Matri e m'ha guardari
Sugnu figghiu e t'haiu amari
Li festi di Natali 🎅🌲
A li 4 Barbaredda
A li 6 Niculedda
All’ 8 Maria
A li 13 Lucia
A li 21 Tummasu
A li 25 Nascita Santi
A li 26 Stefunu
A li 28 Santi Innocenti
A li 31 San Silvestro papa
Finisci lu misi e trasi l’annata.
A li 6 la Pifania
Tutti li festi potta via.
Arrispunni la Cannilora:
“Ci sugnu io ancora!”.
Li festi di Natali
A li quattru Barbaredda
A li sei Niculedda
All’ottu Maria
A li tridici Lucia
A li vintunu San Tummasu
A li vinticincu Nascita Santa
A li vintotto Stragi Innocenti
A li trentunu San Silvestro papa
Finisci lu misi e trasi l’annata.
A li sei la Pifania
Tutti li festi manna via.
Arrispunni la Cannilora:
“Ci sugnu io ancora!”.
Cannilora, cannilora di l'invennu semu fora, ma si cchiovi o tira ventu di l'invennu semu dentru
O santissima Matri divina,
ca di lu cielu siti la riggina,
c’è stu malu ca camina
‘ncatinatilu ca vostra catina.
Mannatilu luntanu, luntanu,
e ca vostra manu fotti
chiuritici i potti;
u vostru mantu ni cunsola
nuiautri intra e stu malu fora!
Santa Elena pietusa e misericordiusa per la vostra santità e pi me necessità facitimi scoprire a verità: aunni misi sta cosa qua ...
Santu Nofriu pilusu
Tuttu amabili e amurusu
Pi li Vostri santi pila
facitimi stà grazia
diccà a stasira.
Santu Nofriu lu pilusu
io vi prego di ccà a gliusu
vui na grazia m'aiti a fari
un maritu m'ati a truvari
Santu Nufriu pilusu
misi un muranu n'to pirtusu
pi li Vostri santi pila
facitimi truvari chiddu ca pirdivi
diccà a stasira.
*Madunnuzza*
Madunnuzza duci duci,
e Regina di la paci,
Pozzu chiediti n'favuri,
pi lu figghiu to, Signuri?
Tu lu puoi, si la Mamma,
e l'amuri non ti manca.
Comu vidi, stu mumentu,
supra la terra c'è l'infernu!
Ci sù guerri, e caristie,
calamità e epidimie,
C'è paura, c'è sgumentu,
ogni angulu è lamentu!
Ma tu sai, cara Maria,
ca ognunu ha fidi in tia
Puru iù comu in tanti,
t'invocu forti ogni istanti
Pecciò, duci messaggera
ci la porti sta priera?
a lu figghiu to dilettu,
ca tu stringi nta lu pettu?
«Patri Nostru non lassari,
sti to figghi, suli, a pinàri.
cunfidamu a lu to amuri,
noi, miseri piccaturi.
Matri Santa, haiu dittu tuttu,
binidittu è lu to "Fruttu"
Duci sí, Climenti, e Pia,
o Dulcissima Maria»
La filastrocca di Pasqua... E non solo
"Binidittu San Pantaleu
'n Francia nasciu e 'n Francia muriu
setti junna mottu e non fitìu!
Lunidì Santu,
Mattidì Santu,
Meccolidì Santu,
Gioviddì Santu,
Venneddì Santu,
Sabatu Santu,
Duminica i Pasca,
... e lu vemmu 'nterra casca!
Santu Nofriu pilusu
Tuttu amabili e amurusu
Pi li Vostri santi pila
facitimi stà grazia
diccà a stasira.
Santu Nofriu lu pilusu
io vi prego di ccà a gliusu
vui na grazia m'aiti a fari
un maritu m'ati a truvari
Santu Nufriu pilusu
misi un muranu n'to pirtusu
pi li Vostri santi pila
facitimi truvari chiddu ca pirdivi
diccà a stasira.
